Við trúum því að Yeshua (Jesú) sé bæði maður og Guð. Ég var eitt sinn að hugleiða Rómverjabréfið 1, þar sem Yeshua er lýst sem sæði Davíðs (vers 3) og syni Guðs (vers 4). Mér fannst Heilagur Andi spyrja mig hvort væri mikilvægara. Ég svaraði: “Að vera sonur Guðs”. Heilagur Andi sagði: “Nei”. Ég svaraði undrandi, “Að Hann sé sonur Davíðs?!” Mér fannst Heilagur Andi segja aftur, “nei”. Ég var ráðvilltur. Svarið kom með hljóðri rödd hið innra: “Að Hann er hvorutveggja”.

Það er sú staðreynd, að Hann er bæði Guð og maður, sem er uppspretta frelsis okkar. Hann er Guð í mynd manns og maður í mynd Guðs (1. Mósebók 1:27). Hann er guðdómlegur dómari sem refsar fyrir syndir okkar og mannlegur staðgengill sem tekur burt syndir okkar.

Þetta ár hefur verið deilt um báðar hliðar þessa málefnis á meðal Messíanskra leiðtoga í Ísrael. Það er lítill hópur leiðtoga sem hafnaði guðdóm Yeshua; annar lítill hópur sem hafnaði mannlegu eðli Hans. Meirihluti forstöðumanna og öldunga stóðu stöðug um tvískipt eðli Hans.

Í ritningum Nýja testamentisins þá er ákveðin breyting á því hver Yeshua er. Fyrst er það Davíðs-myndin í Mattheusarguðspjalli, en breytist í guðdómleikann í Opinberunarbókinni. Ég sé þrjá áfanga:

1. Yeshua sem konung í Ísrael – Guðspjöllin og Postulasagan
2. Yeshua sem höfuð kirkjunnar – Bréf Páls postula
3. Yeshua  sem engill YHVH – Bréf Jóhannesar

Nýja testamentið byrjar á ættartölu Yeshua í Mattheusarguðspjalli. Þessi kafli er brú sem tengir guðspjöllin við biblíulega sögu konungsríkis Ísrael. Áherslan er að Yeshua er sonur Davíðs. [Ath.: þetta er ástæðan fyrir því að ættliðirnir eru 14 (vers 17-18). Í hebreskunni eru engir sérhljóðar; þess vegna er Davíð skrifað DVD. Sérhver bókstafur hefur tölulegt gildi: D er 4; V er 6. Nafnið Davíð jafngildir 4-6-4, samtals 14. Talan 14 leggur áherslu á að Yeshua er sonur Davíðs.]

Guð gaf Davíð yfirráð yfir jörðinni (2. Samúelsbók 7). Ef við skiljum ekki Davíðs-eðli Yeshua, þá töpum við yfirráðum okkar yfir þessari jörð, umbreytingu konungsríkja þessa heims (Opinb.11:15), endurreisn konungsríkis Ísrael (Post. 1:6), og þúsundára ríkinu. Það er ástæðan fyrir því að tengingin við Davíð er svo mikilvæg.

Með hverri opinberun á Yeshua, þá er samsvarandi opinberun á hlutskipti okkar í Honum. Opinberunin um Yeshua sem konung Ísraels var gefin Shimon (Pétur) í Mattheusarguðspjalli 16. Yeshua segir Shimon að þessi opinberun sé ekki mannleg eða náttúruleg, heldur himnesk og yfirnáttúruleg (vers 17). Á sama tíma, þá meðtekur Pétur andlegt vald þess að hvað sem er bundið eða leyst á jörðinni, sé bundið eða leyst á himnum (vers 18-19). Það sama gildir um sérhvern sem kemst í dag til trúar á sömu opinberun og Shimon Pétur hafði.

Opinberunin um Yeshua sem höfuð kirkjunnar var gefin Sál (Páli) í Efesusbréfinu 1. Yeshua hafði verði burthrifin til himna, og settur yfir tignir og völd (vers 20-21). Sál segir að þessi skilningur hafi verið gefin hinum í opinberun og hann biður þess að við fáum sama skilning (vers 17-18). Þessi skilningur mun gefa okkur sama kraft og vald sem Yeshua hefur, bæði hér í þessum heimi og komandi. Andlega talað þá sitjum við við hlið Hans á himnum (Efesusbréfið 2:6-7).

Opinberunin um Yeshua sem konung Ísraels var gefin Shimon (Pétur) og sem höfuð kirkjunnar var opinberunin gefin Sál (Páll). Hinsvegar var opinberunin um Yeshua sem engill YHVH og opinberunin um Guð í mannlegri mynd, gefin Jóhannesi (Yochanan). Opinberun Jóhannesar tengir einnig Yeshua við lögmál Móse og hebresku spámennina.

1. Hann er ljósið og Orð sköpunarinnar: Jóhannesarguðspjall 1 og 1. Mósebók 1.
2. Hann er fingur Drottins sem skrifaði Boðorðin 10:
   Jóhannesarguðspjall 8:6 og 2. Mósebók 31:18
3. Það var Hann sem birtist Abraham sem Guð-maður: Jóhannesarguðspjall 8:56 og 1. Mósebók 18
4. Hann er dýrlegur Konungur í hásætinu sem birtist Jesaja: Jóhannesarguðspjall 12:41 og Jesaja 6.
5. Hann er maður eldsins sem birtist Daníel: Opinberunarbókin 1:13 og Daníelsbók 10:5-6
6. Hann er Maðurinn í hásætinu yfir kerúbunum sem birtist Esekíel: Opinberunarbókin 3:21; 4:2-7; 5:6-8 og Esekíel 1:4-12, 26.
7. Hann er foringi herliðs YHVH sem birtist Jósúa: Opinberunarbókin 19:11-14 og Jósúabók 5:13-15.

Fyrsti áfanginn í hlutskipti okkar er opinberaður okkur í gegnum Pétur í guðspjöllunum; annar áfanginn í gegnum Pál í bréfunum og endanlegur áfangi í gegnum Jóhannes. Opinberunarbókin er loka-opinberunin (Opinberunarbókin 1:1).

Þegar við hugleiðum sýnina um Yeshua í Opinberunarbókinni, þá verður breyting innra með okkur. Þegar við náum því hver Hann er í raun og veru, þá náum við einnig tökum á því hver við erum í Honum. Augu hans eru eldlogi. Hann er með margar kórónur. Hann íklæðist hvítu, með gullbelti um mittið og það kemur sverð út frá munni Hans. Hár Hans er eins og gull og andlitið skín sem sólin.

Þegar þú NÆRÐ þessari mynd, þá umbreytir það þér. Það er nýr kraftur, ástríða og hreinleiki. Heilagleikinn brennir burt fýsn holdsins og veraldarhyggjuna. Við sjáum konungsríkið frá himneskum sjónarhóli. Við verðum tilbúin fyrir komu Hans. Við fáum nýja hæfileika til að dæma og ríkja og berjast. Við fáum yfirráð og vald.

Mættum við sjá bæði Davíðshliðina og guðdómlegu hliðina á Yeshua! Mætti Guð veita okkur skilning á því hver Yeshua er eins og það var opinberað Pétri, Páli og Jóhannesi! Og mættum við breytast og verða líkari Honum.