Þegar við boðum fagnaðarerindið í Ísrael þá þurfum við að svara spurningum eins og hvort "eigi að halda boðorðin". Þegar trúrækinn Gyðingur talar um "boðorðin", þá er verið blandað saman biblíulegu boðorðunum og boðorðum sem rabbíarnir hafa bætt við. Ef við segjum "Nei" þá höfum við tapað valdi ritninganna. Ef við segjum "Já", þá spyrja þeir hvaða "halacha" (lög rabbía) eigi að halda.

Svar okkar þarf að vera ótvírætt "Já", en samhliða þurfum við að útskýra að við höfum aðra aðferð við að halda boðorðin. Fyrsti munurinn er sá að við samþykkjum biblíulegu boðorðin, en ekki boðorð rabbíanna. Þegar ég útskýrði þetta í sjónvarpsviðtali þá skildi þáttagerðastjórnandinn strax stöðu okkar. Viðtalið færðist inná önnur og dýpri málefni. (Hann hélt að við færum eins og Karaites, forn-sértrúarsöfnuður sem tekur valdsmannslega við ritningunum, en ekki halacha.)

Upprunalegt samhengi

Biblíulegu boðorðin, sem voru gefin fyrir nokkur þúsund árum síðan, geta ekki uppfyllst í tómarúmi. Boðorðin er hluti af fjórum einingum - setti:

1. Englinum YHVH (Sem skrifaði boðorðin 10 á Sínaífjalli)
2. Boðorðunum sjálfum (með mismunandi áherslum - Matteusarguðspjall 23:23)
3. Blóðfórnirnar (sem gáfu syndaaflausn þegar lögin voru brotin)
4. Heilagur Andi (Til að leiðbeina og gera fólki kleift að uppfylla Lögmálið - 4. Mósebók 11:25-29, Rómverjabréfið 8:2-4)

Sem messíaskir Gyðingar þá höfum við skilið að Engill Drottins er oft Yeshua (Jesús), að boðorðin um kærleika og siðgæði leysir af hólmi boðorð helgisiða, að krossfesting Yeshua hefur fært fullnaðarfórn, og að Heilagur Andi hefur komið til að dvelja innra með okkur. Út frá þessum sjónarhóli fáum við jafnvægi við að styðjast við boðorðin í okkar daglega lífi.

Í nýja sáttmálanum hafa boðorðin verið skrifuð á hjörtu okkar (Jeremía 31:31); þess vegna kemur aðferðin við að halda boðorðin innanfrá,  með áherslu á merkingu "hjartans" í boðorðunum, og sveigjanleika varðandi helgisiði.  

Rabbíar gyðingatrúarinnar kappkosta við að halda boðorðin, en hafa tekið þau úr samhengi. Torah hefur ekkert  breist. Hins vegar hafa hlacha-lögin skipt út leiðsögn Heilags Anda, rabbíar koma í stað Messíasar og blóðfriðþægingin er almennt ekki til staðar.

Einn af sonum mínum var nýlega að boða fagnaðarerindið til strangtrúaðs gyðings, og þegar hann var spurður hvort við héldum boðorðin sagði hann "Já, en við nýtum þau á annan hátt". Þegar hann kom heim sagði hann: "Pabbi, þetta sannarlega virkar og opnar fyrir umræðu um sanna meiningu trúarinnar og Messíasar."

Lög hvíldardagsins

Grundvöllur siðferðislegra boðorða eru Boðorðin tíu. Boðorðin tíu finnast á þremur stöðum Torah: 2. Mósebók 20, 3. Mósebók 19 og 5. Mósebók 5 - öll með mismunandi form.

Boðorðið sem skapar hvað mestan ágreining er Hvíldardagsboðorðið. Rabbíar gyðingatrúar geta fyllst þráhyggju þegar kemur að lögmálum hvíldardagsins. Sem dæmi má nefna að það hefur valdið ágreiningi hvort það sé leyfilegt að rífa salernispappír á hvíldardegi - og þess vegna eru nokkrir hópar sem búta salernispappírinn niður fyrirfram og nota á hvíldardegi.

[Eitt sinn þegar Joe Shulam var að kenna úr Talmud og kom að kaflanum þar sem fjallað er um syndina sem var drýgð varðandi gullkálfinn, en það gerðist á hvíldardegi, þá hrópaði eldri kona, strangtrúaður gyðingur; "nei, það getur ekki verið!" Joe spurði hana af hverju. Hún svaraði "þetta voru allt Gyðingar, var það ekki"? Þegar við fórum yfir þennan atburð grétum við úr hlátri. Kannski þarftu að vera Gyðingur til að skilja grínið en ábending hennar var: hórdómur, skurðgoðadýrkun, dulspeki og uppreisn - það er skiljanlegt; en að brjóta hvíldardagslögmálið - Guð forði okkur frá því!]

Hvíldardagsboðorð Yeshua

Það eru til þúsundir blaðsíðna og bókmenntir rabbía um Hvíldardagslögmálið. Yeshua tók þetta saman í þrjár einfaldar reglur:

Markúsarguðspjall 2:27  - Hvíldardagurinn varð til mannsins vegna.

Yeshua snýr að upprunalegum tilgangi Hvíldardagsins sem var vikuleg lausn undan bölvun syndar Adams. Þetta var forsmekkurinn af þúsundára ríkinu. Þetta var tími til að hvílast frá verkum þessa heims og snúa hjörtum okkar til Drottins.

Markúsarguðpjall 2:28 - Mannsonurinn er herra Hvíldardagsins.

Yeshua bendir á sjálfan sig sem endanlegt yfirvald þess hvernig á að halda Hvíldardaginn. Það var hann í mynd Engilsins/YHVH sem upphaflega skrifaði Hvíldardagsboðorðið.Rabbíarnir segja að það sé ómögulegt að halda boðorðin án eftirlits. Allir þurfi leiðbeiningar rabbía um það hvernig á að uppfylla boðorðin. Ef þú hefur leiðbeiningar rabbía, þá ertu ekki í neinum vafa um hvort þú hafir breytt rétt. Yeshua er rabbíi okkar og við uppfyllum Hvíldardagsboðorðið samkvæmt Hans leiðbeiningum.

Markúsarguðspjall 3:4 – Það er leyfilegt að gjöra gott á Hvíldardegi

Yeshua margendurtekur að siðferðisleg lög eru yfirsterkari lögmálum helgisiða. Hann minnir okkur á að rétt túlkun lögmálsins krefst einfalds siðgæðis, rökrænnar dómgreindar og heilbrigðar nálgunar á lífinu.

Ég hafna því að bókstaftrúaðir Gyðingar haldi lögmálið en ekki messíanskir Gyðingar. Við höldum boðorð Guðs, en leitumst við að gera það með því að horfa á upprunalega merkingu þeirra í ljósi nýja sáttmálans. Margir kristnir hafa lagt boðorð Guðs til hliðar með guðfræðikenningum; flestir strangtrúar-gyðingar hafa brenglað boðorð Guðs með helgisiðum.

Við skulum leitast við að halda jafnvægi í trú okkar með náð og hlýðni undir yfirráðum Yeshua.