Síðasta mánudag klukkan 7:55 að morgni, framdi kona sjálfsmorðsárás þegar hún sprengdi sig upp á Lubyanka lestarstöðinni í Moskvu. Klukkan 8:30 var gerð önnur sjálfsmorðsárás þegar önnur kona sprengdi sig við Culture Park stöðina. Samtals voru 39 myrtir og 100 lagðir inn á sjúkrahús.

Flestir fjölmiðlar lýsa hryðjuverkaárásinni sem uppreisn Tsjetsníu. Það er satt, en samt ósatt. Í kringum 1990 þá náðu herskáir múslimar yfirhöndinni meðal tsjetsneskra þjóðernissinna. Blaðamenn sem reyna að vera "stjórnmálalega réttir" reyna að halda niðri þeirri staðreyndinnni að þessi hryðjuverkaárás var ekki "þjóðernissinnuð" heldur í anda "jihad" og "Íslam".

Dimitri Prokopev (blaðamaður hjá Maariv) skrifaði að tsjetsneskir jihadistar séu útflytjendur hryðjuverka um alla Mið-Asíu. 90% af öllum tsjetneskum hryðjuverkum er ekki beint að Moskvu heldur Dagestan, Ingushetia, Kabardino-Balkaria og gegn Tsjestníu. Markmiðið er að koma á fót Íslömsku veldi.

Doko Omarov, leiðtogi þessara hryðjuverkasamtaka, betur þekktur sem Bin Laden Tsjetsníu, opinberaði myndband daginn eftir sprengjuárásina sem sagði: "29. mars voru gerðar tvær sérstakar árásir sem höfðu það að markmiði að útrýma heiðingjunum". Annar leiðtogi þeirra, Sayid Maburiatiah, skrifaði nýlega, "Þeir dagar eru liðnir þar sem við berjumst fyrir 'frelsi', nú berjumst við fyrir Allah."

Forseti Rússlands, Medyevdev, lýsti því yfir að Rússar myndu "heyja stríð gegn hryðjuverkamönnum þar til hverjum einasta hefði verið útrýmt." Forsætisráðherran Putin var ekki minna kurteis. (Ath: Í samanburði við álagið á Ísrael, þá kannski ættum við að biðla til Rússa að hætta að byggja heimili í úthverfum Moskvu, og gera heldur "átakanlega" friðarsamninga til að mæta kröfum hryðjuverkamanna.)

Á hvíldardegi, fyrir Páska, þá prédikum við krossfestingu Yeshua (Jesú), og á hvíldardegi strax eftir Páska, prédikum við upprisuna. Ég finn fyrir gleði Drottins yfir vissunni um það að eftir 2.000 ár, er aftur verið að prédika Messías í Jerúsalem, á hebresku, undir smurningu Heilags Anda, frá Gyðingum til Gyðinga.

Postulasagan 2:14

Þá steig Pétur fram og þeir ellefu og hann hóf upp raust sína og mælti til þeirra: "Gyðingar og allir Jerúsalembúar! Þetta skuluð þið vita. Ljáið eyru orðum mínum."

Postulasagan 4:33

Postularnir báru vitni um upprisu Drottins Jesú með miklum krafti og mikil náð var yfir þeim öllum.

Þjóð okkar er meira opin fyrir góðu fréttunum um eilíft líf en nokkru sinni fyrr. Vitnað er um dauða og upprisu Yeshua um allt landið Ísrael. 

Seinnipart laugardags, tókum við þátt í sameiginlegri Upprisuhátíð í Grafargarðinum í Jerúsalem. Þátttakendur voru nokkur hundruð, þar á meðal erlendir gestir, kristnir Arabar og Messíanskir Gyðingar. Samkomunni var stjórnað af kristnum Aröbum í Jerúsalem .

Við fögnuðum upprisu Yeshua fyrir framan opna gröfina. (Við vitum ekki nákvæmlega hvort þetta er rétt staðsetning, en hún er sennilegust samkvæmt öllum rannsóknum. Þessi gamla gröf með opnar dyr er sláandi lík frásögnum í Nýja testamentinu.)

Lofgjörðin og þjónustan var að mestu á arabísku. Chaim W. leiddi í lofgjörð á hebresku og Oded S. kenndi út frá ritningarversum. Samfélagið var raunverulegt, heiðarlegt og kærleiksríkt. Jafnvel þó svo að kristnir Palestínuarabar og Messíanskir Gyðingar í Ísrael hafi oft ólík stjórnmálaleg sjónarmið þá er það allt sett til hliðar til að fagna í einingu Andans og trú. 

Rabbíahefðin segir að Salómon hafi skrifað ljóðalóðin um páskana. Þess vegna eru ljóðaljóðin lesin upp í synagógum í Ísrael yfir páskana.

Miðalda-biblíutúlkurinn Rashi, vitnar í þá ríkjandi hefð meðal Gyðinga að Ljóðaljóð Salómons vísi til kærleikans milli Guðs og Ísraelsþjóðarinnar. Þetta sjónarmið á sér samsvörun í túlkun kristninnar í gegnum aldirnar að Ljóðaljóðin túlki kærleikann milli Krists og kirkjunnar (Efesusbréf 5:32). Hvort er rétt?

Hebreska hugtakið „Kehilah“ felur í sér bæði hugmyndafræði Gyðinga á Ísrael og kristinna á kirkjunni. Alþjóðakirkjan og leifar Ísraels eru tvær tjaldbúðir sem „skarast“. Eiga sér samsvörun, eru sameinaðar en samt aðskildar.

Líkami Messíasar getur verið tvær tjaldbúðir eða tvöfaldar tjaldbúðir.

Ljóðaljóðin 6:13

Hvað viljið þér sjá á Súlamít? Er það dansinn í tví flokknum?

Yeshua elskar bæði Ísrael og kirkjuna. Hann þráir hvorutveggja. Þegar við sameinum þetta tvennt, þá verður elska hans svo ástríðufull að það er aðeins hægt að bera hana saman við ástríðufulla elsku manns til brúðar sinnar. Getur þú upplifað þetta?

Ljóðaljóðin 7:10

Ég heyri unnusta mínum, og til mín er löngun hans.

Í dag er andleg brúður ástfangin og hrein. Við elskum Yeshua með tilbeiðslu og aðdáun. Þetta er andleg útgáfa af ást brúðarinnar til brúðgumans. Það er fegurð og ánægja í undirgefni okkar undir Hans yfirráð.

Jesaja 33:17 – Augu þín skulu sjá konunginn í ljóma sínum, þau skulu horfa á víðáttumikið land.

Annað yrkisefni Ljóðaljóðanna er Landið. Ást brúðgumans og brúðarinnar; ást Messíasar, kirkjunnar og Ísrael eiga bæði hliðstæðu í náttúrulegum hliðum Ísraels, landslagi og dýralífi. Það er ekki algengt meðal margra kristinna, en ástríðufull elska til landsins Ísrael er vel þekkt meðal Gyðinga og Síonista.

Í biblíunni er Ísraelsþjóðinni lýst sem "gift" landinu Ísrael. (Jesaja 62:4 – Þú munt ekki framar nefnd verða Yfirgefin og land þitt nefnt Auðn, heldur verður þú nefnd Yndi mitt og land þitt Eiginkona því að Drottinn ann þér og land þitt mun honum gefið)  Ljóðaljóðin fjalla um ást karls og konu, Krists og kirkjunnar og bæði vísa til landsins Ísrael.