Ástand mála: Ísrael og Tyrkland
©24. janúar Asher Intrater

Hér er fréttir frá samstarfsaðila okkar og sendiboða varðandi Tyrkland og samskiptin við Ísrael. 

Árið 1492, á tímum spænska rannsóknarréttarins, þá voru Gyðingar brottrækir frá Spáni en tekið við þeim af Ottoman - tyrkneska heimsveldinu. Ottoman heimsveldið varð heimili Sehardik Gyðinga í 400 ár, eða þar til heimsveldið hrundi árið 1910 (rétt fyrir fyrri heimstyrjöldina). Árið 1992, þá fögnuðu Tyrkir og Ísrael (ásamt Gyðingum um allan heim) 500 ára góðum samskiptum.

Undanfarið höfum við séð mikla breytingu í samskiptum Ísraels og Tyrklands. Síðasta ár, hefur samband þessara bandamanna verið að hraka.

Það byrjað með því sem kallað er: Operation Cast Lead, svar Ísraels við nánast átta ára stanslausum sprengjuhernaði frá Gaza á bæi í suður-Ísrael þegar tyrkneski forsætisráðherrann gagnrýndi aðgerðir Ísraels sem náðu hámarki í hamagangi gegn Shimon Peres forseta á Davos World Economic ráðstefnunni í Sviss árið 2009.

Aðrir atburðir í Tyrklandi hafa gefið merki um að eitthvað er ekki í lagi. Sjónvarpssería sem sýnd er á ríkissjónvarpinu dregur upp mynd af aðgerðum Ísraela gegn Palestínumönnum á Gaza þar sem ísraelskir hermenn eru að drepa börn, krakka og aðra saklausa borgara. Þetta kyndir undir viðhorf almennings og sumir hafa opinberlega lýst yfir hatri gegn Ísrael. Þetta virðist samt vera í undanhaldi en skaðinn er skeður. Ísraelskir borgarar hafa hætt við að ferðast til Tyrklands, sem hefur hingað til verið vinsæll áfangastaður, og þessi fyrrum góði nágranni er litinn hornauga.

Á haustmánuðum 2009, hættu Tyrkir við sameiginlega heræfingar með Ísrael og meiri gagnrýni á Ísrael heyrðist frá forsætisráðherranum. Þetta, ásamt því að Tyrkir hafa hýst leiðtoga Íslam, eins og forseta Írans Mahmoud Ahmadinejad hefur ýtt undir tortryggni í garð Ísraels. Önnur heimsókn Fuad Ben Eliezer, ráðherra Knesset í Ísrael, virtist hjálpa, en ekkert gat undirbúið Ísrael fyrir það sem koma mundi.

Þegar tyrkneski forsætisráðherrann Tayyip Erdogan, tók á móti líbanska forsætisráðherranum Said Hariri, þá sagði hann að Ísrael væri ógn við heimsfriðinn. Það jók á heitar tilfinningar gegn Ísrael þegar sjónvarpsþætti, skálduðum, var sjónvarpað sem sýndi á myndrænan hátt, ísraelska leynihermenn (Mossad) og aðra stjórnarerindreka Ísraels standa fyrir aðgerðum gegn saklausum tyrkneskum borgurum þar sem ma. börn voru drepin.

Seinna, þá var tyrkneski sendiherrann boðaður á fund með Danny Ayalon, staðgengli utanríkisráðherra. Fundurinn var haldinn í síðustu viku, og komst á forsíður blaða í báðum löndum. Ayalon móðgaði tyrkneska sendiherrann fyrir framan fjölmiðla með því að setja hann í lægra sæti, hafa eingöngu ísraelskan fána á borðinu á milli þeirra og með því að neita að taka í hönd hans. Hann útskýrði síðan á hebresku, af hverju hann kæmi svona fram. Athyglin beindist að Ísrael og tyrkneski forsætisráðherrann kom með úrslitakosti. Staðgengill utanríkisráðherra, Ayalon, þarf annað hvort að biðjast afsökunar eða Tyrkir munu kalla sendiherrann sinn heim. Almenn afsökun var gefin með útskýringum á þessari hegðun, en að lokum þurftu bæði Benjamin Netanyaho forsætisráðherra og Shimon Peres forseti að skerast í leikinn og friða Tyrki.

Í þessari viku heimsótti Ehud Barak varnarmálaráðherra Tyrki og sú heimsókn hjálpaði mikið við að sefa Tyrki. Tyrkirnir sögðu eftir þá heimsókn að þarna væri maður sem þeir gætu starfað með. Það er ekki ljóst hvað gerðist þar sem það var Barak sem gaf heimild fyrir aðgerðinni Operation Cast Lead, sem nefnd er hér að ofan.

Hvers vegna er þetta mikilvægt? Við höfum ítrekað haldið því fram að pólitísk átök eru oft vísbending um andlegar breytingar. Hvað þýða þessar breytingar fyrir líkama Messíasar og starf Drottins í þessari heimsálfu? Það er alveg skýrt að viðhorf Tyrkja sem þjóð hafa breyst. Land sem stefndi að Evrópu og inngöngu í Evrópusambandið hefur núna snúið sér að Íslam og sérstaklega er verið að reyna að mynda vináttutengsl við harðlínu-Íslamista eins og Írani og Sýrlendinga. Viðhorf þjóðarinnar gagnvart Gyðingum, Ísrael og andlegu hlutskipti Ísraels er að breytast. Það er enginn vafi á því að þessi viðsnúningur stjórnvalda í Tyrklandi er afleiðing andlegra breytinga í landinu. Íslam er að vaxa í landinu og það virðist vera að þeir séu að festast í sessi. Þjóðin er líka að skiptast í tvo hópa, trúræknishóp annars vegar og veraldlegan hóp hinsvegar.  Það gæti farið svo að fyrst stjórnvöld halla sér að Íslam að það veki fólk upp til umhugsunar um andlegt líf sitt og hlutskipti. Ef svo, þá getur verið að staða þeirra í landinu sem biðja, trúa og vinna við útbreiðslu fagnaðarerindisins gæti batnað og orðið betri en við höldum.

Bænarefni:

Biðjum fyrir viðtalinu við Asher þegar hann ver í upptöku á mánudaginn 25. janúar á rás 2 (ísraelsk sjónvarpsstöð) og útsendingu viðtalsins sem verður fljótlega. Standið með okkur í trú að þetta einstaka tækifæri færi Drottni meiri dýrð, gefi jákvæða mynd af hinum trúuðu í Ísrael og færi okkur nær vakningu í Ísrael.

Við erum að upplifa mikla tæknilega erfiðleika. Tölvupóstar hafa ekki komist á áfangastað eða tapast, internetið hefur verið niðri, farsímar slökkva á sér án ástæðu, og samskiptarásin Skype  hefur ekki verið að virka sem skildi. Biðjið að allir þessir tæknilegur erfiðleikar hverfi og leysist þannig að Orðið geti gengið fram á Síon.

Við fögnum því að það er farið að rigna. Síðustu helgi fóru um 100.000 ísraelsar og nutu grænnar náttúrunnar. Galíleuvatn er enn langt fyrir neðan venjulegt sjávarmál og þörf er á meira regni. Biðjið fyrir enn meira regni, sérstaklega léttri rigningu sem nærir jarðveginn en skapar ekki flóð eins og gerðist í síðustu viku.